Nasurok 6, 300 a pulis ti maideploy iti aglawlaw ti Senado ita nga aldaw, Hulyo 6 kas seguridad kagiddan ti panangrugi ti impeachment trial ni Vice President Sara Duterte.
Segun ken ni Philippine National Police-National Capital Region Police Office (PNP-NCRPO) spokesperson Police Major Hazel Asilo, kaadduan kadagiti manamnama a panagummong ket nakapokus iti sangoanan ti Senado.
Naammuan nga adda ti maysa a grupo a nag-plano ngaag-martsa a mapan idiay Senado manipud kadagiti ka-asideg a lugar, isu a nangnayon pay ti kapulisan ti kameng-da.
Pinasingkedan ni Asilo a nakalukat latta ti PNP-NCRPO kadagiti grupo a kayat na nga agisayangkat ti protesta basta suroten da laeng ti husto a proseso.
Mangipatungpal pay ti maximum tolerance ti kapulisan no kas bilang gandaten nga umasideg dagiti raliyista iti sangoanan ti Senado.
Nakatuding a mangrugi ti impeachment trial ni VP Sara iti oras ti alas-2 ti malem.
