Inlawlawag ti Department of Public Works and Highways (DPWH) a kaadoan manipod 5,521 a nakompleto a flood control projects ket proyekto pay laeng idi napalabas nga administrasyon.
Segun ken ni DPWH Secretary Manuel Bonoan, talloribo sangagasut ket pito manipod limaribo limagasut duapulo ket maysa a flood control ket proyekto idi napalabas nga admnistrasyon nga intuloy laeng ti Marcos Administration kalpasan a naisanud gapu ti pandemia ken dadduma pay.
Duaribo uppat a gasut sangapulo ket uppat manipod dayta ti narugian a naaramid idi 2022 agingga 2024.
Kaadoan kadagiti proyekto ket masarakan idiay Region III ta 838 ti proyekto ti naaramid, National Capital Region a 656 projects, Region V a 513 projects, Region 1 a 453 projects ken Region IV-A a 435 a proyekto.
Nupay kasta, nasurok limarubo a baro a flood control projects ti ipatungpal ti DPWH ita a tawen.
