VIGAN CITY – Lima a ribo nga Astrazeneca doses wenno ad-adu pay ti manamnama a sumangpet iti siudad ti Vigan kalpasan ti kaisangsangpet a 3,400 doses a simmangpet a patien ni Mayor Juan Carlo Medina ket dakkel a tulong tapno mabakunaan dagiti ad-adu a residente.
Iti pannaki-uman ti Bombo Radyo Vigan ken ni Mayor Medina, 120k doses ti ginatang ti city government para kadagiti innem a pulo a ribo a tattao ken numan bilang maipaluboston dagiti agtawen iti sangapulo ket walo agpababa a mabakunaan ket adda nakasagana para kadakuada.
Innem a pulo ket lima a porsiento met ti nabakunaanen kadagiti senior citizen idinto nga asidegen iti duapulo ket lima a porsiento iti populasyon ti nabakunaanen iti first dose ket masapul pay ti limapulo ket lima a porsiento tapno mabakunaan dagiti residente ket magun-od ti herd immunity.
Walo gasut ti gagemda a mabakunaan iti kada aldaw ta uppat a gasut iti tunggal vaccination site ken no maipanggep met iti storage facility ket adda ti nakasaganan a pakaikabilan dagiti bakuna ken adda pay dua a reserba.
