--Ads--
Umabot iti nasurok lima ribo a Police Assistance Desk ti imuntar ti Philippine National Police kas panagsagana para iti seguridad iti umadani a piesta ti natay ken kararua iti intero a pagilian.
Segun ken ni PNP Public Information Office Chief Police Brig. Gen. Randulph Tuaño, dagiti Public Assistant Desk ket maipuesto kadagiti natao a lugar kas ti kamposanto, bus terminal, ken dadduma pay.
Impaganetget ti PNP a napateg ti proactive police visibility tapno maliklikan dagiti iligal nga aktibidad ken tapno mapagtalinaed ti urnos ken kappia.
Malaksid dayta, 31,000 a kapulisan ti naideploy manipud iti dati a 25,000 ditoy pagilian.
-- ADVERTISEMENT --
Mangrugi inton Oktubre 31 ket nakaalerton ti PNP, sakbay ti Undas 2025 kas paset iti security preparation.
