VIGAN CITY – Insubli ti Philippine Sports Commission iti Department of Budget and Management iti pondo a maaramat koma kadagiti sumarsaruno nga sporting event a naisanod gapu iti pangta iti covid-19.
Iti pannaki-uman ti Bombo Radyo Vigan kenni PSC Commisioner Celia Kiram, ti siam a gasut a milyon a pisos nga aprubado a pondo ti PSC ket nasurok kaguduana wenno nasurok lima gasut a milyon a pisos iti naisubli tapno maaramat tapno makatulong kontra iti covid-19.
Kinunana a saan unay nga adu iti pondo para iti operasyon iti PSC ta umabot laeng iti dua gasut lima pulo a milyon a pisos.
Gapu iti pannakaisanod dagiti sporting event ket kiddaw ni Kiram a matakuatanen ti bakuna kontra covid-19 tapno maisublin iti normal iti amin iti kabiitan a panawen ken tapno marugian manen dagiti event.
