Nasurok limagasut a baro a suldado iti nainayon iti listaan ti Philippine Army (PA), a mangpapigsa iti kabaelanda a mangdepensar ken mangisayangkat ti humanitarian assistance disaster response (HADR).
Segun ken ni PA spokesperson Col. Louie Dema-ala, inawatda iti serbisyo iti 553 a baro a trooper a pormal a nagleppas iti uppat a bulan a Basic Military Training (BMT) iti seremonya iti Makabulos Grandstand idiay Camp O’Donnell, Capas, Tarlac idi September 12, 2025.
Kinuna ni Dema-ala a dagiti baro a suldado ket maideploy kadagiti kangrunaan a unit iti Philippine Army iti intero a pagilian.
Segun ti Philippine Army, dagiti baro a suldado ket paset iti Candidate Soldiers Course (CSC) “Masin-Talas” Class 797-2025, ken karaman iti maika-innem a batch a nagturpos iti BMT iti salinong ti One Training Factory Program.
