Nasurok 500 a pamilia, apektado iti napigsa a tudo gapu iti habagat

Umabot iti 565 a pamilia katukad iti 2,191 nga indibidual ti apektado ita idiay Region III ken uray idiay Region IX, maibasar iti Department of Social Welfare and Development (DSWD).

Manipud iti nasao a bilang, 359 dagiti agkakabagyan wenno katukad iti saan a bumaba iti 1,366 nga indibidual ti agtaltalinaed kadagiti walo nga evacuation center kadagiti nasao a rehion idinto a 206 met a pamilia ti kimmamang kadagiti kabagyan wenno gayyemda.

Innem a pulo ket lima met dagiti pagtaengan a nadadael gapu iti habagat.

Iti agdama, agtultuloy ti pannakaited ti tulong kadagiti naapektaran nga agindeg.