571 a barangay iti Region 1 iti naapektaran iti panagduprak iti Bagyo Uwan kas pinasingkedan ti Office of the Civil Defense Region 1.
Iti pannaki-uman ti Bombo Radyo Vigan ken ni OCD Region 1 Director Laurence Mina, dagiti agtaltalinaed kadagiti evacuation center iti rehiyon uno ket 16,777 a pamilia wenno 53,602 nga indibidual.
Segun ken ni Mina, dayawenna iti kinatulnog dagiti umili ta uray idi umuna nga aldaw pay laeng a panagduprak iti Bagyo Uwan ket simmurotda nga insigida iti bilin nangruna idi naipatungpal iti pre-emptive evacuation.
Manarimaanen iti panangkumpirmarda nu adda pimmusay iti Region 1 gapu iti panagduprak iti bagyo ta adda dimmanon kadakuada a maysa a lalaki iti natay ta natupakan iti kayo.
Iti agdama ket agtultuloy iti pannakasimpa dagiti linya iti kuryente ta siam a pulo ket uppat nga ili ken siudad iti Region Uno iti awanan pay laeng ti suplay ti kuryente a ti duapulo ket tallo ket manipod iti Ilocos Norte, tallopulo ket walo iti Ilocos Sur, sangapulo ket siam iti La Union ken sangapulo ket walo idiay Pangasinan.
