Uppat a gasut ket tallo a siudad ken ili a maibilang nga areas of concern iti pagilian ti bambantayan ti Armed Forces of the Philippines ken dagiti dadduma pay a law enforcement agency tapno masigurado iti nakapia a May 12 midterm elections.
Segun ken ni Col. Francel Margareth Padilla, AFP Spokesperson, 188 a lugar ti adda iti salinong ti yellow category, 177 ti adda iti orange category, ken 38 ti adda iti red category.
Dagiti lugar nga adda iti salinong ti yellow category ket isu dagiti adda iti election-related incident-na, dagiti adda iti orange category ket adda serious armed threat-na idinto a dagiti adda iti red category ket dagiti adda nakaro nga armed threat-na ken history ti election-related incident.
18,000 nga AFP personnel ti naideploy para iti election duty ngem mabalin pay a manayunan kagiddan iti umadani a panagpipili.
