Maideploy iti 439 a personnel a mangsigurado ti kinatalged dagiti umili para iti panagrambak ti Kristo Ari inton November 24, 2024 iti ili ti Burgos.
Iti pannakipatpatang ti Bombo Radyo Vigan ken ni PCapt. Allan Reoliquio manipod Burgos Municipal Police Station, dagiti maideploy ket sangapulo ket innem iti agtaud iti Armed Forces of the Philippines, sangapulo ket lima manipod Bureau of Fire Protection, innem a Medics, walo manipod National Disaster Risk Reduction and Management Office, 274 a Barangay Peacekeeping Action Team wenno BPATs, tallopulo manipod Central Intelligence Agency ken umabot sangagasut manipod iti Philippine National Police.
Segun ken ni Reoliquio, manipod Barangay Ambugat agingga Barangay Luna iti pakaipanan dagiti maideploy a personnel a mangkita iti kinatalged dagiti umili ken uray kadagiti pagiparkingan ti lugan dagiti umatendar ti Kristo Ari.
Pagan-annaden ni Reoliquio dagiti umili a makipagrambak iti Kristo Ari nga agannad iti panagbiahe nga agturong iti nasao nga ili ken inton addadan iti venue ket agalibtak tapno saan a magundawayan wenno matakawan.
VIDEO – PCAPT. ALLAN REOLIQUIO
