--Ads--
Nasurok uppat a pulo a Pilipino manipod Israel iti nakasublin iti pagilian kagiddan ti pannakai-repatriate ken pannakaipaay ti tulong kadagiti distressed migrant workers kagiddan ti tension idiay Middle East.
Segun ti Department of Migrant Workers (DMW), pakabuklan nga uppat a pulo ket uppat a repatriates iti simmangpet idi Biernes iti Ninoy Aquino International Airport.
Buklen ida iti tallopulo ket innem a female overseas Filipino workers, innem a male workers ken dua a dependents.
Kinuna ti departamento nga apaman a nakasangpet dagiti OFW ket naawatda ti financial assistance iti salinong ti AKSYON Fund iti DMW ken livelihood assistance manipod OWWA.
-- ADVERTISEMENT --
