Pito a pagtaengan iti totally damaged iti Ilocos Sur gapu iti panagduprak ti Super Typhoon Uwan.
Iti pannaki-uman ti Bombo Radyo Vigan ken ni Governor Jerry Singson, dagiti totally damaged ket innem manipod ili ti Santiago idinto a maysa ket manipod iti ili ti Sta. Cruz.
Segun ken ni Gov. Singson, 357 iti partially damaged a pagtaengan iti agduduma a paset iti probinsia.
Iti baet dagiti nadadael ket yamanenna nga awan iti nairekord a casualty iti probinsia kagiddan ti panagduprak ti bagyo.
Kinunana pay a duapulo ket maysa nga ili iti awanan pay laeng iti suplay ti kuryente agingga iti alas syete iti rabii itattay, November 10, 2025.
Kabayatanna, nayatiddog iti suspension ti klase kadagiti pampubliko ken pribado a pagadalan ken awan ti serrek dagiti public office ita nga aldaw gapu pay laeng iti napigsa nga angina nga epekto ti Super Typhoon Uwan.
