3,800 a kilo ti chicken products nga aggatad iti P680,000 ken nailugan iti freezer van truck ti nasalamaan iti Tagudin Animal Quarantine Checkpoint idiay Barangay Bio, Tagudin, Ilocos Sur.
Nabigbig ti drayber a ni Fredierick Urbano Sinampaga, agtawen iti tallopulo ket tallo, naasawaan, addaan iti professional driver’s license, ken agnaed iti 1052 Riverside Sibut, San Jose City, Nueva Ecija.
Ti helper-na ket ni ni Andrei Padin Gomez, agtawen iti sangapulo ket walo, single, ken agnaed iti Abar 1st, San Jose City, Nueva Ecija.
Awan ti permit dagiti kinargada a kontrabando a maibilang a panaglabsing iti Section 4, par. b (falsified shipping permit) iti Provincial Ordinance No. 15-06 Series of 2015 wenno Animal Quarantine Ordinance iti Ilocos Sur.
Dagiti naglabsing agraman dagiti kontrabando ket adda iti kostodiya iti Tagudin Animal Quarantine para iti pannakaidalanna iti husto a proseso.
