--Ads--
3,267 a pamilia ti naapektaran iti Tropical Storm Isang, a rimmuar iti Philippine Area of Responsibility idi kalman iti agsapa, segun iti Department of Social Welfare and Development.
Ti nasao a bilang dagiti naapektaran a pamilia ket katukad iti 13,886 nga indibidual.
Sangapulo a barangay manipud iti Cagayan Valley ken iti Bicol Region ti naapektaran iti saan a nasayaat a kasasaad ti paniempo.
656 a pamilia, wenno 1,566 met nga indibidual ti adda kadagiti uppat nga evacuation center.
-- ADVERTISEMENT --
Sangapulo ket pito met a pamilia ti kimmamang kadagiti kabagyan ken gagayyemda.
Kabayatanna, nakaiwarasen ti DSWD iti P1.6 million a gatad ti tulong kadagiti naapektaran a pamilia.
