--Ads--
Nasurok 24,000 nga umili wenno 7,501 a pamilia ti naapektaran iti Bagyo Crising idiay Visayas ken Mindanao, segun iti National Disaster Risk Reduction an Management Council.
Manipud iti nasao a bilang, 117 ti adda kadagiti evacuation center idinto a 526 ti temporaryo a kimmamang.
Nairekord ti tallo a landslide, 19 a layus, idinto a 23 a kalsada ken dua a rangtay ti saan a madalanan idiay Central Visayas.
Sangapulo ket siam a pantalan ti nagsara, ken nangsuspenso iti klase kadagiti 279 a lugar ken trabaho kadagiti limapulo ket walo a lugar.
-- ADVERTISEMENT --
Maysa a pagtaengan ti totally damaged ken awan ti koriente kadagiti dadduma a paset ti Western Visayas.
Umabot met iti P1.24 million ti naipaay a tulong kadagiti naapektaran.
