Nasurok duagasut a tattao iti natay kalpasan a narpuog ti maysa a pagminasan idiay Rubaya, daya a paset ti Democratic Republic of Congo kas pinasingkedan ti rebel authorities iti rehiyon.
Segun ken ni Lumumba Kambere Muyisa a pannakangiwat ti rebel governor iti North Kivu, narpuog iti pagminasan idi Mierkules gapu iti nakaru a tudo.
Karaman kadagiti natay dagiti babbai, ubbing ken artisanal miners nga agminminas iti coltan, maysa a mineral a maar-aramat iti panagaramid dagiti electronic apparatus kas iti smartphones ken computers.
Maysa a dati a supervisor iti pagminasan iti nangibaga a saan a nasayaat iti panagpatalinaed iti site, a nangpadaras iti aksidente ken nangparigat iti rescue efforts.
Innayonna a narupok iti daga iti lugar a nangpakaru iti sitwasyon.
Mapatta-patta a duapulo iti nakalasat nga ita ket manarimaan iti panagpaagasda iti ospital.
Binisita met ni Governbor Erasto Bahatiu Musanga dagiti naideploy nga M23 rebels ken dagiti survivors idi Biernes.
Iti agdama ket kontrolado ti M23 ti Rubaya ken sumagmamano iti North Kivu ken segun ti international observers, tultulongan ida ti Rwanda.
