--Ads--
Umabot iti 245 a kameng ti Philippine National Police ti naikkat iti serbisio iti umuna a 3 a bulan ti 2026 kas paset iti napabileg nga “internal cleansing” ti kapulisan.
Segun ken ni PNP Chief Gen. Jose Melencio Nartatez Jr., ti nasao a bilang ket manipud iti pakabuklan a 765 nga administratibo a kaso a nadesisyonan manipud Enero 1 agingga Marso 31.
Gagem ti addang a madalusan ti hanay ti kapulisan ken pagtalinaeden ti integridad ti organisasion.
Ti National Capital Region Police Office ti nakairekord iti kangatwan a bilang dagiti naikkat iti serbisio nga umabot iti 67 a personnel, sinaruno ti National Headquarters nga adda ti 40.
-- ADVERTISEMENT --
