Nasurok 2.4 million nga indibidual ti bimmisita kadagiti kamposanto ken columbaria iti intero a pagilian para iti Undas 2025.
Segun iti Philippine National Police, nasurok 2,210,070 a tattao ti napan kadagiti kamposanto ken 197,070 met kadagiti columbaria iti intero a pagilian idi kalman, All Saints’ Day.
Impatungpal ti PNP ti full-scale security ken public safety operations agsipud ta minilion a Pilipino ti bumisbisita kadagiti kamposanto ken memorial park.
93,839 a personnel ti naideploy iti salinong ti Oplan Ligtas Undas 2025 – buklen iti 31,056 a PNP personnel, 20,134 a personnel manipud kadagiti nadumaduma nga ahensia ti gobierno, ken 42,649 a force multipliers.
5,018 dagiti Police Assistance Desk a naimuntar kadagiti 4,901 a kamposanto ken 1,531 a Motorists Assistance Centers kadagiti highway ken transport terminal iti pagilian.
