--Ads--
Nasurok 18,000 a pulis ti indeploy ti Philippine National Police tapno siguradwen ti seguridad ken kinaurnos ti Traslacion ti Hesus Nazareno inton Biernes, Enero 9, a manamnama a dar-ayan ti minilion a deboto.
Segun iti PNP, 3 a kangrunaan a lugar ti matutukan ti seguridadna kas ti Quirino Grandstand, intero a ruta ti prusisyon, ken Quiapo Church.
Ipatungpal ti PNP ti no-fly zones iti aglawlaw dagiti lugar ti aktibidad ken maaramat ti cellphone signal jammers tapno maliklikan ti posible a pangta babaen kadagiti mobile device.
Maipatungpal pay ti liquor ban iti intero a Manila iti nasao nga aldaw babaen iti pannakibinnuligda iti lokal a gobierno.
-- ADVERTISEMENT --
