Umabot iti nasurok 15,000 transport workers iti pagilian ti nakaawat ti ayuda manipod Department of Labor and Employment (DOLE) kagiddan ti agtultuloy a panagbaliw ti presyo ti langis ken epekto ti tensyon idiay Middle East iti ekonomia.
Segun ti DOLE, agingga June 22 ket umaboten ti 15,044 transport worker ti naikkan iti pakabuklan a P55.3 million a tulong pinansyal iti salinong ti TUPAD-Tuloy pasada Program, kasaruno idi Abril kas paset ti panagtignay ti gobierno iti nangina a magastos iti transportasyon.
Inyatiddog pay ti DOLE ti programa para kadagiti mangmangged iti maritime transport iti Dinagat Islands pakairamanan dagiti kameng ti pampasahero a barko iti probinsia.
Segun ti ahensya, gagem ti programa a maikkan ti temporaryo a trabaho ken nayon a sapul dagiti tsuper ken dadduma pay a transport worker nga apektado a panaggaraw ti presyo ti krudo bayat a masigsigurado ti serbisyo iti pampubliko a transportasyon para kadagiti pasahero.
Maisaysayangkat ti TUPAD-Tuloy Pasada Program iti pannakitinnulong ti Department of Transportation (DOTr) ken Land Transportation Franchising and Regulatory Board (LTFRB).
