--Ads--
Impasigurado ti Philippine National Police ti kinatalged ti publiko ita a holiday season, uray no awan ti mamonmonitor a seryoso a pangta.
Segun ken ni PNP PIO Chief PBGen. Jean Fajardo, agtultuloy dagiti proactive measure ti pulisya kadagiti natao a lugar.
Kasaruno dayta, nasurok 14,000 dagiti pulis ti maideploy kadagiti nadumaduma a paset ti pagilian kagiddan ti “Ligtas Paskuhan 2024”.
Mainaig dayta, maipatungpal ti “no leave policy” mangrugi inton December 15, kas panagsagana iti yaadu nga economic activities ita a paskua.
-- ADVERTISEMENT --
Agtultuloy met ti panangapela ti PNP iti publiko nga agtalinaed a naridam ken insigida nga ireport iti kapulkisan ti aniaman a makapaatap nga indibidwal wenno grupo.
