1,370 a classroom iti intero a pagilian iti naapektaran ti Severe Tropical Storm Opong ken southwest monsoon kas impakaammo ti Department of Education (DepEd).
Segun ti DepEd, 891 iti addaan ti minor damage, 225 iti heavily damaged ken 254 iti nadadael.
Maibasar ti Disaster Risk Reduction and Management Service (DRRMS) iti DepEd, 13.37 million nga agad-adal ken 569,251 teaching ken non-teaching personnel manipod 23,796 a pampubliko a pagadalan iti sangapulo ket tallo a rehiyon iti naapektaran iti bagyo.
121 a pagadalan iti agdama nga agserserbi nga evacuation centers para kadagiti displaces families kadagiti innem a rehiyon, duapulo a division ken uppat a gasut a classroom.
Ti kaadooan a bilang dagiti pagadalan a maar-aramat a shelter ket nairekord idiay Calabarzon ta pitopulo ket dua iti maus-usar, sarunwen iti Eastern Visayas a tallopulo ket lima.
