Dumanon iti 12,168 a polis ken bombero ti i-deploy iti Philippine National Police (PNP) ken Bureau of Fire Protection (BFP) iti Traslacion 2025.
Segun iti Department of the Interior and Local Government (DILG), manamnama ti adu a deboto iti makipaset iti Traslacion.
Iti biang ti Manila Police District, mangi-deploy da iti 2,554 a polis a mangsalaknib kadagiti deboto ni Jesus Nazareno, idinto ti Northern ken Southern Police Districts, Quezon City Police District, Police Regional Office-3 ken 4A, tunggal maysa ket mangibaon iti contingent a 1,500 a police personnel manipud iti bukodda nga stasyon.
Ti Regional Mobile Force Battalion ket mangideploy ti 848 a polis, 766 manipud iti National Capital Region Police Office, ken 500 manipud iti Eastern Police District.
Immuna nga inwaragawag ti PNP ti pannakaipatungpal ti security plan babaen ti koordinasion ti Siudad ti Manila, nadumaduma nga ahensia ti gobierno, ken dadduma pay a stakeholder.
Kabayatanna, nakasagana met ti 149 a bombero ken ti grupo dagiti anti-chemical, biological, radiological, ken nuclear threats personnel manipud iti Bureau of Fire Protection.
