Kinumpirmaran ti Land Transportation Franchising and Regulatory Board (LTFRB) nga inikkanda ti special permit to operate ti 1,297 a pampasahero a bus iti pagilian para iti Semana Santa.
Manamnama a ti nasao a panawen iti panagado dagiti pasahero nga agawid kadagiti probinsia tapno agbakasyon ken rambakan ti Semana.
Segun ken ni LTFBR chairperson Vigor Mendoza II, naikkan ti special permits dagiti bus tapno masigurado nga umdas ti units nga agpasada iti baet iti panagado dagiti pasahero.
Namnamaen pay iti ahensya iti ad-adu a pasahero ta posible a pilien ti kaaddoan iti agpraktikal ken saan pay laeng nga agaramat iti pribado a lugan iti baet iti nangina a presyo iti langis.
Binilin ti LTFRB chied ti amin a regional directors iti ahensya a siguradoen a sumursruot dagiti public utility vehicle terminals iti road worthiness ken inspection protocols.
