--Ads--
Idaldalan ti Office of the Ombudsman iti lifestyle check dagiti 107 nga opisial ti gobierno.
Inwaragawag ni Ombudsman Jesus Crispin Remulla a kaaduan kadagitoy ket manipud iti maawagan nga “income generating agencies” kas ti Land Transportation Office ken Bureau of Customs.
Innayonna a mabalin a manayonan pay ti bilang dagiti opisial nga idalanda iti lifestyle check ta agtultuloy ti panagkalapda iti impormasion.
Ti nasao nga addang ket manipud iti pammilin ni Presidente Ferdinand Marcos nga idalan iti lifestyle check dagiti government official.
-- ADVERTISEMENT --
Nangrugi ti pammilin ta adda dagiti sumagmamano nga opisial ti gobierno ti nairaman iti anomalya iti flood control projects ti pagilian.
