VIGAN CITY – Pinasingkedan ni Municipal Agriculture Officer Benny Quiocho nga umabot iti nasurok sangagasut nga itlog ti pawikan ti nasarakanda idiay Fuerte, Caoayan ken agtultuloy ti panagbantayda agingga mapessa.
Segun ken ni Quicho, ti agdama ket pinalawlawanda pay laeng iti iket ken mangikabildanto iti tarpaulin a mangipakita nga adda iti itlog ti pawikan iti nasao a lugar ta mayuray pay iti innem a pulo nga aldaw sakbay a makita no kasano kaadu iti mapissa nga itlog.
Binalakadan ni Quiocho dagiti miyembro ti konseho ti Barangay Fuerte a masapul a maikkan iti napinpintas nga alad iti ayan dagiti itlog ti pawikan tapno masalakniban dagiti itlog da.
Dua ribo lima gasut a pisos iti maited a gunguna wennu tangdan kadagiti makakita iti itlog ti pawikan sabali laeng ti dua ribo lima gasut a pisos kadagiti mangtaripatonto dagiti mapessaan nga itlog.
