Nasurok 10-K a tao, naibakwit gapu iti nakaru a wildfire idiay France

Nasurok 10,000 nga agindeg ti naibakwit gapu iti nakaru a wildfire iti abagatan ti France, asideg iti border ti Spain, segun kadagiti otoridad.

Agtultuloy a saan a makontrol dagiti otoridad ti uram a nangapektar iti 4,600 nga ektarya iti kabakiran iti sakaanan ti French Pyrenees.

Segun kadagiti opisial, 16 a tao ti nadunor, agraman dagiti 4 a bumbero.

Gapu iti nadagaang a paniempo ken napipigsa nga angin, manamnama nga agwaras pay ti apoy kadagiti sumarsaruno nga oras.