VIGAN CITY – Kiniddaw ni Vigan City Mayor Juan Carlo Medina kadagiti residente ti siudad nga uray awan pay ti simmangpet a bakuna kontra Covid19 ket agparehistrodan tapno nadardaras ti proseso.
Iti pannaki-uman ti Bombo Radyo Vigan ken ni Medina, agtultuloy ti panagisimpa ti city government iti planoda para ti vaccine rollout ken no kasano ti panagbakuna kadagiti residente a ti targetda ket sangaribo kada aldaw ti mabakunaan.
Makikamkammayetdan kadagiti barangay, pagadalan ken seminaryo a patta-pattaenda a pakaaramidan ti vaccination program tapno nalawlawa ket nataltalged kadagiti mapan kasta payen a bigbigbigenda no ania ti pagkuranganda tapno maurnos ti plano.
Namnamaenda nga inton June nga isasangpet ti bakuna nga AstraZeneca a nakitulaganda iti 120k doses ti bakuna ket nakasagananton ti siudad
Dagiti mabakunaan ket mapaliiw pay iti tallopulo a minutos kalpasan ti panagbakuna sakbay a makaawidda ken plano ti city government nga adda ti sabali a grupo a mangbalay-balay kadagiti senior citizen ken persons with disabilities tapno bakunaan.
Nupay kasta, ad-adalen ti nasao a kompania no mabalin dagiti agtawen iti sangapulo ket lima agingga sangapulo ket pito a mabakunaan tapno nataltalged met laeng ti salun-at dagiti agindeg pakairamanan dagiti agtrabtrabaho ditoy siudad.
