--Ads--
Mamati ni House Committee on Human Rights Chairman ken Manila Rep. Bienvenido “Benny” Abante Jr. a ti nasapa a panga-anunsio ni Bise Presidente Sara Duterte ti panagtaray na kas presidente inton 2028 ket mabalin a manglukat ti ad-adu pay nga isyu kontra kenkuana.
Ni Abante ket isu ti maysa nga endorser ti maika-uppat nga impeachment complaint kontra ken ni VP Sara.
Segun ti opisial, nasapa ti anunsio ti Sara gapu ta adda pay dua a tawen sakbay a mapasamak ti eleksion.
Pinasingkedan ti beterano nga agpampanday linteg a ti panag-anunsio ti bise presidente ti kandidatura na ket saan a mangleppas kadagiti kontrobersiya a sangsangoen na no di ket mabalin a lumawa pay ti pammabalaw kontra kenkuana.
-- ADVERTISEMENT --
