VIGAN CITY – Agtaltalinaed pay laeng idiay munisipiyo ti San Esteban dagiti processed meat product a nasalamaan idi naminsan nga aldaw idiay Brgy. Villa Quirino a mapatta-patta nga aggatad ti tallo pulo a ribo a pisos ken maisagsaganan iti pannakaikali da.
Segun ken ni Meat Inspector Julius Abad Ayson, mapanda kuma kitaen ti aso a mapapati nga adda rabies-na a naipakaammo kadakuada idi nalabsanda dagiti naidissaag a pork product nga awan ti dokumentona ken mapapati a naggapu idiay Nueva Ecija.
Inpaka-ammo da ti Provincial Veterinary Office ken Provincial Quarantine Office iti nasao a banag ket adda ti dua a quaratine officer a naipatulod a kadua da a nangkita kadagit nasao a produkto.
Dagiti nasao a produkto ket innem a pulo a sako ti chicharon, innem a pulo a pakete ti kropek, tallo pulo a bagis-bagis a kukua ni Michelle Alcantara nga agnaed diay Talavera, Nueva Ecija ken maipatulod koma ken ni Albert Lopez Rivera, agtawen ti tallo pulo ket tallo a tubo ti San Pascual, Talavera, Nueva Ecija ngem agnaed idiay Brgy. Villa Quirino, San Esteban.
