Maragsakan ni Emilio Ayson ti Narvacan National Central High School Princial IV ti nasap a pagadalan iti pannakagun-od da ti pammadayaw iti naisayangkat a 23rd International Robotics Olympiad a ti host country ket ti Korea.
Iti pannaki-uman ti Bombo Radyo Vigan kenni Ayson, naidumduma iti ragsak a narikna da iti nagun-odda ta sakbay iti pasalip ket nagdudua’da ken aminado nga agkurang iti pondo nga aramatenda a makisalip.
No pay kasta ado a tattao iti nangipakita iti suporta kadakuada kangrunaan dagiti mangidaulo ti nadumduma nga LGU kas ti Narvacan, Nagbukel, Provincial Governement, 2nd District Congresswomen ken dadduma pay a sponsor.
Idi napan a tawen nakawatda ti imbitasyon a makibinnalubal da iti 23rd International robotics Olympiad iso nga inkarigatanda nga ipan amin nga estudyante ken inpanda amin a kabaelanda tapno mangabak ken makagun-od ti pwesto.
Naiyawid ti grupo ti Silver Medal para iti kategorya a Robot in Movie, Bronze Medal ti Creative Category ken Technical Award ti Creative Category.
