VIGAN CITY – Inlawlawag ken impakammu ti Narvacan Municipal Police Station dagiti pudno a nagan a karaman ti napasamak idiay Brgy. Camarao, Narvacan.
Nabigbig dagiti dua a suspek a da Freddie Esguera agtawen ti lima pulo ken Rommel Saldua agpada nga agnaed ti nasao a barangay.
Iti pannaki-uman ti Bombo Radyo Vigan kenni PMaj. Arcadio Viloria naipiladan ti tallo a kaso kontra kadagiti dua a suspek a nagprobokar, nangdadael ti water dispenser ken nangdangran ti barangay tanod nga agbanbantay ti barangay check point a ni Alfred Dasalla agtawen ti tallo pulo ket pito.
Maipalagip a dimteng dagiti da Esguera ken Saldua ti barangay check point a nabartek ket induronda ti water dispenser a nakadadaelanna.
Naipakammu ti nasao a pasamak kenni Brgy. Kagawad Sherwin Blanco a nagresponde ngem iso iti simmaruno a prinobokar dagiti dua iso a nagpatennga ni Dasalla ngem inatakar dagiti suspek ngem nadepensaranna iti bagina.
Naglibas da Esguera ken Saldua kalpasan ti pasamak ngem nakemmeg babaen ti hot pursuit operaiton ti PNP.
