VIGAN CITY – Maisayangkat inton October 14 iti eleksyon dagiti baro a mangidaulo ti Leage of Municipalities of the Philippines (LMP) ket ni Narvacan Mayor Luis “Chavit” Singson iti makitkita iti kaaduan a siguradon iti panangabak na kas presidente ti liga dagiti municipal mayors iti intero a pagilian.
Ti arigna tallo pulo a tawen na iti serbisyo – publiko, nagserbi ni Singson ditoy Ilocos Sur kas gobernador, congressman, konsehal ket itatta, mayor ti ili a Narvacan.
Dakkel iti nabalinan ni Singson, kadua na ni dati a Vigan City Mayor Eva Marie Singson- Medina, iti pannakairaman ti Vigan City kas maysa kadagiti New 7 Wonder Cities of the World.
Insurat na ti Republic Act 7171, wennu ti linteg a mangted iti naisangsangayan a tulong kadagiti probinsiya nga agmulmuka iti Virginia tobacco.
Idi napalabas a tawen, isuna ti presidente ti Philippine Councilors’ League.
