VIGAN CITY – 4.1 a milyon a pisos a gatad dagiti nasurok limapulo a ribo a broiler chick ti inwaras ti lokal a gobierno ti Narvacan para kadagiti mannalon, mangngalap ken empleyado iti munisipio.
Ti nasao nga ili ket isu ti kaunaan a nagiwaras ti nasao a piek iti intero a probinsia ken walo iti naawat ti tunggal maysa a benepisyaryo.
Naawagan ti programa a “Manukan iti Arubayan” a nagtitinnulongan da Mayor Luis Chavit Singson, Vice Mayor Pablito Sanidad Sr. ken amin a konsehal a ti kangrunaan a gagemda ket matulongan dagiti umili tatta a tiempo ti rigat gapu iti COVID19.
Nasurok limaribo a mannalon ken nasurok pitogasut met a mangngalap ti nabenepisyaran iti nasao a programa ket karaman a naited pay kadakuada ti feeds, vitamins ken ti paginuman dagiti piek.
