Maragsakan ti National Police Commission iti pannakaidalan ni alyas Totoy iti protective custody ti Philippine National Police.
Segun ken ni NAPOLCOM Vice Chairperson Executive Officer Vicente Calinisan, napateg ti seguridad ni alyas Totoy gapu kadagiti napateg nga impormasyon a maibutbutaktakna tapno makatulong iti panangsulbar ti nabayagen a kaso dagiti mapukpukaw a sabungero.
Dinayaw pay ni Calinisan ti napaspas a tignay ti PNP ken Department of Justice iti pannakaidalanda iti restrictive custody ta pateinna a makatulong tapno mapagtalinaed ti patas a proseso ken ikkan gundaway dagiti karaman nga ikalintegan ti bagida babaen iti inda panangipila kadagiti counter affidavit bayat nga agtultuloy ti imbestigasyon.
Aminado ti opisial nga adu pay ti nasken nga aramiden ti NAPOLCOM, PNP ken DOJ iti nadumaduma nga aspeto ti imbestigasyon.
