--Ads--
Mangisayangkat iti motu propio investigation ti National Police Commission iti mapapati a hazing a napasamak ken panangmaltrato kadagiti baro a pulis a naideploy iti Regional Mobile Force Battalion idiay Lamitan, Basilan.
Segun ken ni Napolcom Vice Chairman ken Executive Office Atty. Rafael Calinisan, saan a kunsintiren ti organisasyon ti ania man a hazing iti PNP ken siguradoenda a dagus a maimbestigaran ken mairuar ti resolusyon mainaig iti kaso.
Maipalagip a naikkat iti puesto dagiti 70 a pulis a miembro ti Regional Mobile Force Battalion 14B gapu iti mapapati a hazing iti welcome rites kadagiti baro a pulis.
Maisagsaganan dagiti kaso nga administratibo ken criminal a maipila kontra kadagiti karaman a pulis.
-- ADVERTISEMENT --
