VIGAN CITY – Maisayangkat ti PNP Entrance ken Promotional Examination inton April 9 ken April 10, 2022 iti oras iti alas otso agingga alas onse iti bigat.
Iti pannaki-uman iti Bombo Radyo Vigan ken ni Atty. Joseph Apolinario iti NAPOLCOM-Ilocos Sur, ti nasao nga exam ket nakalukat para kadagiti amin a Bachelor’s degree a kayatna a sumrek iti PNP ken para kadagiti kayatna iti ngumato iti ranggona a pannakabagi ti linteg.
Segun ken ni Atty. Apolinario, maisayangkat iti eksaminasyon idiay San Fernando, La Union ta isu pay laeng iti napalubosan kagiddan iti covid-19 pandemic.
Naipalagip kadagiti ag-exam a rumbeng a tutukanda iti salun-atda kangrunaan ita a pandemia tapno sigurado nga awan iti pagparikotanda.
Kabayatanna, immado iti nag-apply nga ag-exam iti NAPOLCOM ta umabot iti 1,564 iti PNP entrance idinto a 619 iti ag-exam para iti promotional kagiddan iti limmukay a restrictions.
