VIGAN CITY – Balligi nga insayangkat ti National Police Commission iti PNP Entrance and Promotional Examinations in pen-an-paper mode idi Abril 9 ken 10 iti agdama a tawen kadagiti sangapulo ket pito a testing centers iti intero a pagilian.
Iti Region 1, ti eksaminasyon ket naisayangkat idiay San Fernando City, La Union nga isun iti maikatlo nga eksaminasyon a naisayangkat iti regional office manipod nangrugi ti covid-19 pandemic.
Ti PNP Entrance Examination ket naisayangkat iti tallo nga examination venues nga isu iti Saint Louis College, La Union National High School, ken Christ the King College ket dagiti nag-eksam ket umabot iti 1,519 wenno 97.12% manipod iti nagrehistro a 1,564.
Naisayangkat met iti Promotional Examinations idiay Saint Louis College ket ti actual a nag-eksam umabot iti innem a gasut ket innem wenno 97.90% manipod iti 619 a nagrehistro nga uniformed examinees.
Kabayatanna, ti addang ket naisayangkat babaen iti panagtitinnulong iti NAPOLCOM Regional Office No.1 karamanen iti Local Government Units iti La Union, San Fernando City, La Union, Police Regional Office 1, La Union Police Provincial Office, Regional Medical and Dental Unit 1, dagiti school administrator iti tallo a venue, ken dagiti mangisursuro a nagserbi kas proctor.
