Dinayaw ti National Police Commission (Napolcom) dagiti tallo a police officer a nagpeggad ti biagda para iti panangsalaknib iti maysa a Metropolitan Manila Development Authority official.
Segun ken ni Napolcom Commissioner Rafael Vicente Calinisan, dagiti tallo a police officer ket da Maj. Joseph Robles, M/Sgt. Juan Paolo del Mundo ken Pat. Jordan Gallardo a nanglapped kadagiti kameng ti Manibela group manipod panangdangran ken ni MMDA Special Operations Group Strike Force head Gabriel Go.
Segun ken ni Calinisan, kellaat a simmangpet ni Go ken nangrugi a nagiruar ti ticket kadagiti driver a mangisaysayangkat ti rally iti corner ti Connecticut Street ken EDSA idiay San Juan City idi Mierkules.
Dimteng dagiti nasao a polis ket namaneharda iti sitwasyon babaen ti panangpatalinaedda iti kinapropesyonal babaen ti highest standard iti law enforcement isu nga awan ti napasamak ken ni Go.
Gapu dayta ket naipaayan ti plaques of commendation dagiti tallo nga Eastern Police District officers.
