--Ads--
23 ti natay gapu iti napigsa a tudo idiay Minas Gerais, Brazil.
Segun kadagiti otoridad, 16 ti natay iti siudad ti Juiz de For a ken 7 idiay Uba.
47 ti mapukpukaw – 43 manipud iti Juiz de For a ken 4 manipud iti Uba.
Gapu iti layus ken panagreggaay ti daga, nasurok-kumurang 440 nga agindeg manipud Juiz de Fora ti nagbakwit ken nasuspenso dagiti klase kadagiti pampubliko a pagadalan.
-- ADVERTISEMENT --
Nangipatulod ti gobierno iti 136 a personnel, agraman dagiti bumbero, tapno mangisayangkat iti search and rescue operations.
Nakipagladingit ni Presidente Luiz Inacio Lula da Silva ket impasiguradona a maited ti tulong, maisubli ti kangrunaan a serbisio ken masuportaran dagiti naapektaran a pamilia.
