Nagpakdaar dagiti eksperto a dagiti glacier iti Himalayan region nga agserserbi a napateg a paggappuan ti danum para iti nasurok-kumurang dua a bilyon a tattao ket marunrunaw iti agdama a doble ti kinapardas-na no ikumpara idi tawen 2000.
Segun ti International Centre for Integrated Mountain Development (ICIMOD), ti Hindu Kush-Himalayan mountain range nga umabot manipud iti Afghanistan agingga Myanmar ket aglaon kas maysa a kadakkelan a pagikkan ti yelo iti lubong iti irruar ti Arctic ken Antarctica.
Masuplayan daytoy ti saan a bumaba iti sangapulo a kangrunaan a karayan ti Asya a napateg iti suplay ti danum, taraon ken enerhiya.
Basar iti panagadal, dandani doble ti kapaspas ti panagingpis ti yelo manipud iti tallopulo ket uppat a sentimetro kada tawen idi 2000 nga ti agdama ket umabot iti pitopulo ket tallo a sentimetro.
Inlawlawag dagiti eksperto a daytoy ket gapu iti agtultuloy a panagngato ti temperatura ti lubong a manglaplapped kadagiti glacier a mangpatpatalinaed ti kinapuskol ti yelo na daytoy.
