VIGAN CITY – Parikot ti pamilia ti biktima a nadanog iti teltelna idiay San Vicente Public Market ti pagbayadda iti gastosda iti ospital nga ayan ita ti biktima.
Segun ken ni Jeffrey Pilot, pinaglibakan ti pamilia ti dimmanog iti kabsatna ti inkarida nga isuda ti mangbayad iti tallogasot a ribo a hospital bill tapno saandan nga idarum dagiti suspek ngem kalpasan ti pannakaopera ti biktima ket imbagada nga awan ti inkarida a gatad idi nagpatangda iti munisipyo.
Innayonna a ti kayatda a bayadan ket umabot laengen ti sangagasut a ribo ngem PHP222K ti kasapulan tapno mairuar ti biktima iti ospital.
Malaksid dayta, inpakammona a no saan a kayat a tumulong ti pamilia ti nangdangran iti biktima ket ituloyda ti agidarum ket agpatulongdanto laengen kadagiti mayat a tumulong kadakuada.
Nupay kasta, natalgeden ti kasasaad ti biktima.
