Pinagyamanan ni Makati City Mayor Nancy Binay ni Presidente Ferdinand Marcos Jr. iti gannuat ti gobierno a makaited iti P5,000 fuel subsidy para kadagiti tricycle driver iti siudad tapno matulongan ida a mabaklay ti ngumin-ngina a presio ti gasolina.
Segun ken ni Binay, ti tulong pinansial ket dakkel a pakabang-aran dagiti tricycle driver, ti sektor a kangrunaan nga apektado iti agtultuloy a panagpangina ti presio ti produkto-petrolyo.
Ti pammilin iti panagiwaras iti subsidiya ket natratar iti taripnong da Executive Secretary Ralph Recto ken dagiti Metro Manila mayor tapno masigurado ti napaspas ken naurnos a panangipaay iti tulong kadagiti public utility driver.
Maisaruno met ti dadduma pay a transport sector kas kadagiti jeepney driver ken operator.
