VIGAN CITY – Manamnama ti pannakailaklaka ti singir iti koriente iti intero a probinsia babaen ti pannakaipatungpal ti solar energy no la ket agpermanto ti ISECO.
Iti pannaki-uman ti Bombo Radyo Vigan ken ni dati a Governor ken dati a Narvacan Mayor Chavit Singson, 20 megawatts wenno duapulo nga ektarya a daga ti maipaayan ti solar nga isu ti usaren ti ISECO ti intero a probinsia tapno mailaklakada ti singir iti koriente.
Iti agdama, ti ili a Narvacan ket limmakan iti korienteda ta agkurkurri iti solar energy ken numan bilang maipatungpalton iti intero a probinsia ket marugianto iti ili ti Santa idinto a ti nabatbati ket mapan iti National Grid Corporation of the Philippines.
Kadua ni Singson dagiti nadumaduma nga investors iti nasao a programa.
Binigbigna pay ti kinaadu dagiti agar-arungaing gapu ti nangina a singir ti koriente isu a no agpermanto laketdi ti ISECO ket masolbarton ti nasao a parikut.
