Impaganetget ni House Speaker Ferdinand Martin Romualdez a malaksid iti bagas ket masapul a lumaka iti presyo dagiti nateng para kadagiti ordinary a pamilia a Pilipino.
Pinasingkedan ni Romualdez ti listaan manipod Philippine Statistics Authority a mangipakpakita a ngimmato ken nagbaliw baliw iti presyo ti nateng nga isu ti mangparigat iti panagbudget dagiti Pilipino.
Kinuna ni Romualdez a ti kangrunaan a rason iti nangina a presyo iti nateng ket ti nakapoy nga imprastraktura iti agrikultura, saan nga epektibo a transportasuon manipod talon nga agturong iti tiendaan ken pagkurangan iti pasilidad para iti storage kalpasan ti panagapit.
Gapu dayta ket insingasing ni Romualdez ti panagpuonan iti imprastraktura iti agrikultura, modernisasyon iti teknolohiya iti panagtalon, panangpasayaat dagiti farm-to-market road ken storage facility.
