VIGAN CITY – Pinasingkedan ni Vigan City Mayor Juan Carlo Medina nga ar-aramidendan iti amin a kabaelanda tapno mapalukayan ti panagserrek dagiti tao iti siudad agsipud ta idi naisakupen ti probinsia iti general community quarantine ket nadagsen iti trapiko.
Segun ken ni Medina, saan a gapu a naisakup iti GCQ ti siudad ket adda latta dagiti pagannurotan a masurot ket inlawlawagna met nga iti pannakaisubli iti pampubliko a transportasyon ket masurot latta ti usto a plete kas nailanad iti ordinansa ket no adda man dagiti saan a sumursurot iti nasao a paglintegan.
Gapu iti dayta, kunana a nawaya dagiti umili nga agipulong kadakuada ta nakalukat latta ti Public Safety Office ngem rumbeng nga ammoda iti tricycle number a naglugananda ken nagsingir kadakuada ti nangina tapno adda iti nadardaras a pakabigbigan kadakuada.
Kabayatanna, ingunamgunam ti mayor a gapu iti agkurkurang a pwersa iti Philippine National Police ket nakitaripnong ti Public Safety Office kadakuada tapno marisut dagiti banag a pakarikutan ti siudad.
