Umaboten iti 3,775 a pamilia ti naapektaran iti madi a paniempo iti Ilocos Sur a dagiti dadduma kadakuada ket dagus a nagbakwit.
Iti pannaki-uman ti Bombo Radyo Vigan ken ni Provincial Disaster Risk Reduction and Management Council Officer Rhon Arquelada, kaaduan ti nagbakwit idiay Quirino ta adda ti nasurok sangaribo a tattao gapu iti kaaddada iti ingangato ti danum iti karayan.
Kabayatanna, inoras met ti panangmonitorda iti Banaoang bridge ket iti agdama, adda itan iti borderline ti yellow ken orange isu a dakkel ti ngimmatwan ti danum.
Iti agdama, awan dagiti nairekord a natay gapu iti madi a sasaaden ti paniempo idinto a dagiti kalsada manipud iti Sinait agingga Tagudin ket madalanan ngem adda laeng dagiti debris a naibalandra ken nagalis gapu iti agtultuloy a tudo.
