Umabot iti nakurang uppat a ribo dagiti pamilia nga apektado iti Ilocos region gapu iti iduduprak ti bagyo Marce.
Iti pannaki-uman ti Bombo Radyo Vigan ken ni Adreanne Pagsolingan, Spokesperson ti OCD-1, pakabuklan a 3,999 dagiti pamilia nga apektado a buklen iti 13,030 nga umilii.
Awanen ti evacuees nga agtaltalinaed kadagiti evacuation center ngem adda ti tallopulo ket maysa a pamilia ti agtaltalinaed pay laeng iti pagtaengan dagiti kabagyanda.
Kabayatanna, 252 dagiti nadadael a pagtengan ket manipud iti nasao a bilang, 247 ti partially damaged idinto ta lima ti totally damaged.
Kaaduan a nairekord a damages kadagiti pagtaengan ket iti Ilocos Norte.
445 met a pamilia ti naidalan iti pre-emptive evacuation, buklen iti 1,252 nga umili.
Iti agdama, agtultuloy ti consolidation da kadagiti naan-anay a detalye manipud kadagiti nadumaduma a local government unit tapno ma-assess no mano a talaga ti gatad dagiti nadadael gapu iti bagyo.
