--Ads--
Umaboten iti 298,221 dagiti pasyente a nakaganar iti zero-balance billing program ti gobierno, kas pinasingkedan ti Department of Health.
Katukad daytoy iti P26.4 bilion iti nagtipon a billing dagiti pasyente a nai-admit para iti basic accommodation kadagiti DOH hospital.
Iti salinong ti nasao a pagannurotan, dagiti pasyente kadagiti DOH hospital ket saanen a kasapulan nga agbayad para iti medical services, agas ken professional fee dagiti doktor.
Kabayatanna, pinasingkedan ti DOH a ti daily average admission kadagiti DOH hospital ket ngimmato manipud iti 3,297 nga agbalin a 4,067 manipud naiwaragawag ti pagannurotan.
-- ADVERTISEMENT --
Innayon ti ahensia a ti proposed P320 billion budget para iti 2026 ket agpokus iti pannakaipatungpal ti Universal Health Care.
