Pinasingkedan ti Bureau of Customs (BOC) a pormal a naiturn-over iti Department of Migrant Workers (DMW) ti 2,954 a naabandona a balikbayan box babaen ti Port of Davao iti maysa a ceremonial turnover event idi May 29, 2025.
Dagiti nasao a karton nga impatulod dagiti overseas Filipino workers para kadagiti ay-ayatenda iti biag iti Pilipinas ket napanawan ken saan a na-claim ta iniggaman ken inabandona dagiti sumagmamano a mananggundaway a freight forwarders iti Port of Davao.
Ti panangaprubar ti Department of Finance (DOF), indeklrar ti BOC a forfeited dagiti karton ken pormal a naidalan iti DMW babaen ti maysa a Deed of Donation.
Ti DMW pay laeng iti mangidaulo tapno masigurado a dagiti karton ket makasangpet kadagiti rumbeng a pakaipatulodanna a benepisyaryo.
